Akuzohet për vrasjen e një personi në Vlorë, i riu ekstradohet nga Italia

Google+ Pinterest LinkedIn Tumblr +

Një 32  vjeçar nga Memaliaj është ekstraduar nga Italia.

Sipas policisë bëhet fjalë për shtetasin me iniciale A.M.

Ky i fundit është dënuar me burg nga Gjykata e Vlorës, për akuzën e vrasjes.

I riu dyshohet se është autori i vrasjes së shtetasit V.D., në lagjen “Pavarësia”.

Njoftimi i policise

Vijon bashkëpunimi i Interpol Tirana me homologët për kapjen e personave të shpallur në kërkim ndërkombëtar për vepra të rënda penale.

Kapet në Itali dhe ekstradohet drejt Shqipërisë një shtetas i dyshuar për vrasje.

Nga Z.Q.K Interpol Tirana u krye ekstradimi nga Milano, Itali, i shtetasit shqiptar E. A. alias A. M., 32 vjeç, lindur në Memaliaj.

Ky shtetas ishte shpallur në kërkim ndërkombëtar nga Z.Q.K Interpol Tirana, pasi Gjykata e Rrethit Gjyqësor Vlorë, ka caktuar masën e sigurisë “Arrest në burg”, për veprat penale “Vrasja me paramendim” dhe “Mbajtja pa leje e armëve luftarake dhe municioneve”.

Përmbledhje e ngjarjes së ndodhur:

Shtetasi E. A. dyshohet se është autori i ngjarjes së ndodhur në lagjen “Pavarësia”, Vlorë, ku është vrarë me armë zjarri shtetasi V. D.

Si rezultat i bashkëpunimit të Interpol Tirana me Interpol Roma, u bë i mundur arrestimi i tij në Itali, duke u finalizuar me ekstradimin drejt vendit tonë.

Shpërndaje
Share.

Komento