Treshja angleze Phil Foden, Marcus Rashford dhe Mason Greenwood janë lojtarët më të vlefshëm në pesë ligat më të mira të Evropës, sipas grupit kërkimor CIES Football Observatory.
Foden i Manchester City kryeson listën me 190.2 milion euro (163.4 milion), përpara dyshes së Manchester United, Greenwood (152.8 milion £) dhe Rashford (136.6 milion).
Playmaker-i i United, Bruno Fernandes (132.4 milion) është i pesti në listë. Mason Mount i Chelsea, 22 vjeç, është lojtari i 10-të me çmimin më të lartë me 106.1 milion £.
CIES përdor një sërë variablash përfshirë moshën e një lojtari, performancat, vlerën ekonomike të klubit të tyre dhe inflacionin për të përpunuar vlerat e vlerësuara të transferimit.
Foden, 21 vjeç, shkëlqeu gjatë fushatës triumfuese të Cityt në Premier League, performancat e tij i dhanë atij çmimin PFA Lojtari i Ri i Vitit.
Sulmuesi gjithashtu shënoi tre gola dhe dha tre asiste për të ndihmuar skuadrën e Pep Guardiola të arrinte finalen e Ligës së Kampionëve, të cilën e humbën nga Chelsea.
Greenwood dhe Rashford ishin të dobishëm për të ndihmuar United të përfundojë i dyti në Premier League dhe të arrijë në finalen e Europa League, duke shënuar 12 dhe 21 gola respektivisht.
Foden dhe Rashford janë pjesë e skuadrës së Anglisë Euro 2020, por Greenwood u detyrua të tërhiqej për shkak të dëmtimit.
Sulmuesi i Borussia Dortmund, Erling Haaland, i cili shënoi 41 gola në po aq ndeshje në sezonin 2020-21, është lojtari më i vlefshëm jashtë Premier League me 155.5 milion euro.
Dyshja e Barcelonës Frenkie de Jong dhe Pedri, sulmuesi i Atletico Madridit Joao Felix dhe mbrojtësi i majtë i Bayern Munchen Alphonso Davies gjithashtu përfshihen në 10 më të mirët.
Ederson i Manchester City (53.2 milion funte) dhe Ruben Dias (97.9 milion paund) janë portieri dhe qendërmbrojtësi më i vlefshëm, ndërsa Fernandes, 26 vjeç, është një nga tre lojtarët e moshës 25 vjeç ose më shumë, çmimi i të cilëve tejkalon 100 milion euro, me dy të tjerët që janë Bernardo Silva i City, 26 vjeç, dhe sulmuesi i Chelsea Timo Werner, 25 vjeç.
