Naftëtaret greviste në Ballsh janë janë futur në ditën e 15-të të grevës së tyre ndërkohë gjendja e tyre shëndetësore po përkeqësohet, por kjo nuk i ndalon ato që të vijojnë grevën deri në marrjen e rrogave që iu takojnë.
Por ditën e sotme, kryeministri Edi Rama iu ka bërë thirrje atyre që të mbyllin grevën, pasi sipas tij qeveria nuk është armiku por aleati i tyre.
Rama thotë se nuk do iu ofrojë lëmoshë, por se është gati t’ju qajë hallin pasi grevat bëhen për t’u dëgjuar dhe jo për të marrë me zor atë që keni në mendje.
STATUSI I PLOTE
Të dashura motra greviste të Ballshit! Askush nuk ju kërkon të dorëzoheni, qeveria nuk është armiku po aleati juaj dhe askush nuk ju ofron lëmoshë, ne jemi gati të qajmë hallin tuaj së bashku! E vetmja pengesë mes nesh është greva juaj. Mbyllni grevën dhe unë do jem aty menjëherë!
Mos u gënjeni nga krokodilët që lotojnë për ju e duan t’ju përdorin kundër qeverisë!Qeveria është e juaja, por nuk mund të bisedojë me ju nën presion e me ultimatume! Grevat bëhen për t’u dëgjuar, jo për të marrë me zor atë që ke në mendje. Ne ju kemi dëgjuar e po ju presim juve!
Të dashura motra greviste të Ballshit!Askush nuk ju kërkon të dorëzoheni, qeveria nuk është armiku po aleati juaj dhe askush nuk ju ofron lëmoshë, ne jemi gati të qajmë hallin tuaj së bashku! E vetmja pengesë mes nesh është greva juaj. Mbyllni grevën dhe unë do jem aty menjëherë!
— Edi Rama (@ediramaal) October 29, 2020
