Ditën e djeshme teksa po diskutohej rezoluta për Kosovën, kryeministri Edi Rama e konsideroi Albin Kurtin ndër të tjera si mik të tijin. Ai theksoi që pavarësisht se kanë qasje të ndryshme për disa çështje politike, sërish Kurti mbetete një person i afërt me të dhe ka një dëshirë të madhe që të ketë një bashkëbisedim.
Por mesa duket miqësia nuk është reciproke nga të dyja palët dhe kjo u evidentua gjatë ndeshjes së djeshme Shqipëri-Çeki në stadiumin e “Air Albania”.
Kamerat kanë fiksuar se Kurti dhe Rama nuk kanë ndenjur bashkë, por kanë qenë në vende të ndryshme të stadiumit. Mesa duket Kurtit nuk i ka dalë akoma inati lidhur për qëndrimin e kryeministrit Rama në marrëdhëniet e tensionuara Kosovë-Serbi.
Por nga ana tjetër Rama është kujdesur që ta respektojë duke i dërguar pranë ministren Belinda Balluku. Theksojmë se pranë Kurtit ishte edhe djali i Adem Jasharit, Lulzim Jashari.
