Gazetari investigativ Artan Hoxha ka frikësuar sot “të vjetrit” e botës së drogës, duke u shprehur se po zëvendësohen nga grupe të rinj me mbështetje të forta politike.
I ftuar në “Byro Politike”, teksa ka folur për atentatin e ndodhur në Elbasan ndaj Ardian Çapjas, Hoxha theksoi se tashmë po rrëzohen nga drejtimi disa bosë të vjetër të botës së krimit, duke shtuar se ky nivel i grupeve të kriminalizuara vazhdojnë të qëndrojnë në Shqipëri pasi janë më sigurt se jashtë vendit.
“Prokuroria ka pistat e tyre mbi ngjarjen. Dyshimi i fortë është që atentati të jetë një kooperim nga disa grupe, që kanë gjetur ekzekutorët. Ekzekutorët nuk janë domosdoshmërisht nga Elbasani.
Ngjarjet e fundit që kanë ndodhur janë pasoja e përplasjeve ndër vite. Po bëhet një reformë në territor. Po rrëzohen nga drejtimi, disa BOSS-ë të vjetër dhe po ngrihen disa grupe të rinj. Janë të pasur dhe me mbështejte të forta politike, por dhe shumë agresivë. Kanë shumë uri dhe janë shumë të pasur. Por nuk e kuptojnë që agresiviteti të shkurton jetën dhe nuk ta zgjat sepse tërheq vëmendjen e publikut. Dhe nuk asgjësohen dot kollaj nga Policia e Shtetit. Ata nuk shqetësohen edhe kur bien në pranga, sepse i liron prokurori dhe gjykatësi. Në Elbasan ka katër grup shumë të fuqizuar që janë të aftë të bëjnë atentate të tilla me një kosto kaq të madhe. Njerëzit thonë që ose nuk e goditi…ishte çështje fati.”
Më pas, Hoxha tregoi detaje nga mënyra e kryerjes së atentatit me snajper ndaj trurit të Çapjas, duke treguar se snajperisti ka qëlluar nga brenda makinës, rreth 250 metra larg objektivit, i pozicionuar në një kodër.
Autori kishte ulur dy sediljet e para të mjetit dhe kishte instaluar snajperin brenda makiës, çka e ka ndihmuar edhe për nga mënyra e stabilizmit të shënjestrës.
“Tashmë është e provuar që qitja, ose atentati është realizuar nga një snajper që ka qenë brenda makinës. Makina ka qenë në kodër dhe snajperisti ka ulur dy sediljet e pasme të makinës, e ka bërë atë si një lloj maskimi, se duke qenë me xhama të errët nuk tërheq shumë vëmendje. Stativi, këmbaleci i snajperit është gjetur në pjesën e pasme të makinës. Ka qenë dhe më komode për snajperistin. Ky është atentat që, snajperi nuk ka ardhur aty për çerek ore, është shtrirë brenda makinës dhe ka pritur. Nga ana tjetër autorët kanë ditur me saktësi lëvizjet që do të përshkonte. Dyshimi vazhdon të jetë që atentati është një kooperim. Pra që kemi financim, organizim jo vetëm nga një grup, por nga disa grupe. Ekzekutorët nuk është e thënë të jenë vendalinj. Nuk është kollaj që t’i afrohesh Çapjave nga vendi ku është bërë qitja,”
