Moti i keq vazhdon të mbajë vendin të paralizuar dhe Autoriteti Rrugor Shqiptar ka sjellë një raport të gjendjes në vend.
Deri më tani sipas ARRSH mësohet se aksi më problematic është si Bajram-Curri-Valbonë dhe Qafë Mali-Fierze, i cili ka një trashësi dëbore që shkon deri në 70 cm. Mirëpo problem nuk është vetëm trashësia e dëborës, por edhe rreziku ndaj rënies së ortekëve.
“- Në akset e mëposhtme trashësia e borës është rreth 70 cm , ka rënie ortekësh, në dy vende, gjë që ka sjellë bllokimin e aksit. Është njoftuar Policia Rrugore për mosqarkullimin në këto akse.
– Bajram-Curri-Valbonë
– Qafë Mali-Fierze”, njofton ARRSH.
Por si paraqitet gjendja në gjithë akset kryesore të vendit?
Në Rajonin Jugor Gjirokastër: Gjatë ditës ka pasur reshje bore në Qarkun e Korçës. Është punuar dhe vazhdon të punohet për pastrimin dhe shpërndarjen e kripës, por qarkullimi kryhet me zinxhir në akset e mëposhtme:
– Në rrugën e Dardhës
– Volare-Erind-Çajup
-Segmenti fundor i rruges Berat-Gllavë
Aksi kryesor Qafë Thanë-Pogradec-Korçë-Kapshticë qarkullohet pa zinxhir:
– Në Qarkun e Fierit qarkullimi rekomandohet me kujdes për shkak të lagështirës në rrugë.
Në Rajonin Verior Shkodër: Ka pasur reshje bore me intensitet të lartë. Trashësia mesatarisht 30-70 cm. Për shkak të vazhdimit të reshjeve të borës dhe temperaturave të ulëta, akset qarkullohen kryesisht me zinxhir.
Kontraktorët kanë punuar dhe vazhdojnë të punojnë për pastrimin dhe shpërndarjen e kripës.
Të gjitha akset e mëposhtme rekomandohen të qarkullohen me zinxhir:
– Rruga Koplik-Bogë, Dedaj-Razëm
– Qafë Lac-Koman
– Ura Matit-Rreshen, Shpal-Ura e Repsit
– Ura Kukës-Krume dhe Plepa-Kam
– Kuben-Vasie
– Kukës-Bushtricë
– Kukës-Ura e Zapodit
– Në akset e mëposhtme trashësia e borës është rreth 70 cm , ka rënie ortekësh, në dy vende, gjë që ka sjellë bllokimin e aksit. Është njoftuar Policia Rrugore për mosqarkullimin në këto akse.
– Bajram-Curri-Valbonë
– Qafë Mali-Fierze
Në të gjithë akset e Peshkopisë qarkullimi bëhet me zinxhir
– Qafë Drajë, Peshkopi-Ushtelence, Trebisht-Doganë
– Ura Cerenecit – Steblevë dhe Trebisht-Dogane etj.
– Skuraj – Burrel – Peshkopi
Në aksin Lezhë-Shkodër qarkullimi kryhet pa zinxhir dhe pjesërisht me zinxhir qarkullohet në aksin Shkodër-Hani i Hotit-Tamarë.
Në Rajonin Qendror Tiranë: Temperaturat kanë qenë të ulëta dhe ka pasur reshje bore. Është punuar nga kontraktorët për pastrimin dhe shpërndarjen e kripës.
Të gjitha akset e mëposhtme qarkullohen me zinxhir.
– Akset Dajtit
– Qafë Priskë-Shëngjergj-Qafë Mollë
– Krujë-Sarisalltik
– Aksi Librazhd-Stebleve i kalueshëm pjeserisht me zinxhire,
Ne akset e tjera të këtij rajoni qarkullimi kryhet normalisht pa zinxhir. Ka rreshje të pakta shiu.
– Qafë Krrabë qarkullohet pa probleme.
