Në operacionin e mesditës së sotme, policia e Tiranës në bashkëpunim me policinë e Elbasanit kanë finalizuar aksionin për goditjen e një grupi që merrej me shpërndarjen e kokainës në kryeqytet.
Në pranga ka rënë Klajdi Gjeçi, i njohur si mik i Emiljano Shullazit dhe pjesëtar i bandës së tij.
Gjeçi ka qenë i përfshirë më parë në disa ngjarje kriminale.
Sipas informacioneve të “report tv”, Klajd Gjeçi është akuzuar ndër vite për disa ngjarje:
Në 18 janar 2018 ai u arrestua, pasi akuzohej si personi që i vendosi tritol në automjet një biznesmeni pranë Kodrave të Liqenit.
Në 2012 është arrestuar për armëmbajtje pa leje, ndërsa në 2015 për plagosje të rëndë me dashje, por në të dyja rastet çështjet janë pushuar.
Mësohet se të arrestuarit në Tiranë bashkëpunonin me grupin prej 5 personash të arrestuar po gjatë ditës së sotme në një aksion paralel nga policia në Elbasan.
