Agjencia e Mbikëqyrjes Policore ka arrestuar një punonjëse të policisë nga Komisariati i Korçës, e cila shërben në sektorin e rendit publik.
Sipas burimeve të AMP, shtetasja L.L., në gjendje të dehur, ka humbur kontrollin mbi mjetin dhe ka shkaktuar një aksident, duke u përplasur me një shtyllë elektrike.
Ngjarja ka ndodhur në orët e para të mëngjesit, kur policia mbërriti menjëherë në vendngjarje për të kryer procedurat e nevojshme. Gjatë hetimeve, është zbuluar se punonjësja e policisë, e cila ishte jashtë shërbimit dhe po udhëtonte me mjetin e saj privat, kishte konsumuar alkool, me një nivel që tejkalonte normat e lejuara.
Kolegët e saj kanë ndërmarrë veprimet e duhura, duke e arrestuar dhe dërguar në komisariat, ndërsa materialet përkatëse janë referuar në prokurori për veprime të mëtejshme.
