Policia kufitare në Dibër ka vënë në pranga një shtetas 40-vjeçar nga Bosnje-Hercegovina, i cili rezulton në kërkim ndërkombëtar nga autoritetet gjermane.
Sipas burimeve zyrtare, ndaj tij ishte lëshuar një urdhër arresti për vjedhje përmes mashtrimit dhe mashtrime të kryera në mënyrë të përsëritur.
Njoftimi i Policisë:
Shërbimet e Policisë Kufitare në PKK Bllatë, si rezultat i masave të shtuara dhe i shkëmbimit të informacionit me Interpol Tiranën, kanë kapur në hyrje dhe kanë arrestuar me qëllim ekstradimin, shtetasin:
B.S., 40 vjeç, banues në Bosnje-Hercegovinë.
Ky shtetas ishte shpallur në kërkim ndërkombëtar pasi Gjykata e Heilbronn /Gjermani, i ka caktuar masën e sigurisë “Arrest me burg”, për veprat penale “Vjedhje me anë të mashtrimit”, “Mashtrim” dhe “Mashtrim në mënyrë të përsëritur, fitimprurëse”, të parashikuara nga Kodi Penal gjerman.
Interpol Tirana po bashkëpunon me Interpol Ëiesbaden, për ekstradimin e 40-vjeçarit, në Gjermani.
