Arrestohet në Angli një 25-vjeçar që punonte si “kopshtar” në një fermë kanabisi, “ Më premtuan 2 mijë paund në muaj, por s’mora asgjë”

Një 25-vjecar, i identifikuar si Ledjo Basha ka është arrestuar nga forcat  e policisë  britanike pasi ishte “kopshtar” në një fermë kanabisi në Didsbury në Angli.
Ai kishte shkuar si  azil kërkues në Angli dhe kishte pranuar  punën si roje kopshtar pasi do të  paguhej 2 mijë paund në muaj por që nuk kishte marrë asnjë rrogë deri më tani. Pas kontrolleve, policia gjeti edhe lëndë narkotike me vlerë deri në 100 mijë paund.

Në gjykatë Basha dëshmoi se ishte ‘kopshtar’ dhe nuk ishte i përfshirë në ngritjen e fermës së kanabisit.Basha u dënua me 7 muaj burg, pasi gjykata nuk gjeti prova që e bënin atë kultivues apo rol kyç në rritjen e kanabisit.

Në godinën në Didsbury, u gjetën në 5 pjesë të ndryshme 276 bimë narkotike kanabis, 77 ndriçuesë dhe 76 transformatorë, të gjitha në funksion të kultivimit të drogës.