Policia e Maqedonisë së Veriut ka informuar se një person rreth moshës 60 vjeç është i dyshuari për vrasjen e dy individëve në Çellopek të Bërvenicës, rajoni i Tetovës.
“Është kapur një person me inicialet I.I., 60 vjeç, nga fshati Çellopek, pas një denoncimi rreth orës 14:10 për dy vrasje dhe një plagosje në të njëjtën fshat”, deklaron policia.
Në të njëjtën kohë, policia informon se edhe i dyshuari për këto vrasje ka pësuar plagë, më së shumti nga arma e tij zjarri, sipas dyshimeve të autoriteteve policore, njofton TV21. Drejtoria e Përgjithshme e Policisë në Tetovë deri më tani nuk ka mundur të konfirmojë identitetin dhe moshën e viktimave dhe të plagosurit, por ka bërë të ditur se po ndërmerren hapa të nevojshëm për hetimin e ngjarjes, dhe në vendngjarje janë angazhuar forcat e policisë së bashku me ekipet e shpejta dhe Prokurorinë.
