Një familje shqiptare është arrestuar nga policia greke. Mësohet se babai, mamaja dhe vajza janë arrestuar në Selanik, pasi mbi ta rëndon akuza e trafikimit të lëndëve narkotike.
Po ashtu e ditur bëhet se lëndët narkotike, ata i fshinin me kujdes brenda kukullave.
Çifti i bashkëshortëve, të dy 45 vjeç, u arrestuan mbrëmjen e së shtunës. Automjeti i tyre u ndalua për kontroll dhe brenda u gjetën 205 gram kokainë e fshehur brenda kukullave.
Policia greke tha se makina me të cilën u kapën burrë e grua, është në pronësi të vajzës së tyre 20-vjeçare.
Nga kërkimet në banesën e familjes shqiptare u gjetën disa doza kokaine dhe u arrestua vajza e çiftit. Hetuesit sekuestruan gjithashtu 8640 Euro dhe një automjet.
