Një 29-vjeçar nga Durrësi është arrestuar paraditen e sotme nga policia. Ai akuzohet se shpërndante lëndë narkotike, të cilën e kishte ndarë edhe në doza të vogla.
I arrestuari është shtetasi me iniciale F.B., 29 vjeç, banues në Durrës. Policia ka kryer kontroll të imtësishëm edhe në banesën e tij, të cilët i kanë gjetur 50 doza lëndë narkotike të dyshuar si marijuanë dhe një peshore elektronike.
Njoftimi i policisë:
Durrës
Goditet një rast i shpërndarjes së lëndëve narkotike, e ndarë në doza gati për shitje
Finalizohet operacioni i koduar “Prita”, vihet në pranga një shtetas
Specialistët për Hetimin e Narkotikëve në Drejtorinë Vendore të Policisë Durrës në bashkëpunim me Komisariatin e Policisë Durrës dhe Prokurorinë e Rrethit Gjyqësor Durrës kanë finalizuar me sukses operacionin e koduar “Prita”, ku u arrestua në flagrancë shtetasi F.B., 29 vjeç, banues në Durrës.
Specialistët për Hetimin e Narkotikëve kishin siguruar informacione në rrugë operative, se ai shpërndante lëndë narkotike në doza të vogla.
Gjatë kontrollit të ushtruar në banesën e tij u gjetën dhe sekuestruan në cilësinë e provave materiale:
- rreth 50 doza lëndë narkotike e dyshuar Marijuanë;
- një peshore elektronike.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Prodhim dhe shitje të lëndëve narkotike”.
