Arrestohet 21-vjeçari, tentoi të kalonte lëndë narkotike në Mal të Zi

Google+ Pinterest LinkedIn Tumblr +

Një 21-vjeçar është arrestuar mbrëmjen e djeshme në Shkodër. Ai ishte shpallur në kërkim për trafikim të lëndëve narkotike.

E.H., në bashkëpunim me një shtetas tjetër identiteti i të cilit ende nuk është bërë me dije, dyshohen se kanë tentuar të trafikojnë një sasi lëndësh narkotike marijuanë nëpërmjet liqenit të Shkodrës.

Kjo ka ndodhur në prill të vitit 2018, ku 97 kg marijuanë u kapën nga policia malazeze, në bregun e liqenit të Shkodrës në afërsi të pikës kufitare të Hanit të Hotit.

Gjykata e Apelit Shkodër vendosi ndaj 21-vjeçarit më 08 maj 2018, masën e sigurisë “Arrest në burg”, i dyshuar për veprat penale “Trafikimi i narkotikëve” kryer në bashkëpunim dhe “Dhuna në familje”.

21-vjeçari ka qenë i kërkuar nga policia që nga kjo ngjarje, ku tashmë materialet i kanë kaluar Prokurorisë pranë Gjykatës së Shkallës së Parë në Shkodër për të vazhduar me veprime të mëtejshme.

Shpërndaje
Share.

Komento