Në prangat e policisë italiane kanë rënë dy shtetas shqiptarë, të cilët akuzohen për grabitje të banesave të ndryshme në Milano të Italisë.
Sipas informacioneve zyrtare në prangat e policisë kanë rënë shtetasit me inicialet A.R., 43-vjeç dhe M.K., 31-vjeç. Këta persona, sipas policisë dyshohet se janë autorë të disa vjedhjeve në banesa. Ndërsa nën cilësinë e provës materiale policia iu ka sekuestruar edhe sende të cilët përdornin për të hyrë në to. Sipas mediave vendase, dy shtetasit shqiptarë kishin si synim banesat në të cilët pronarët e tyre largoheshin dhe pasi siguroheshin që nuk ishte askush ata futeshin në banesa dhe merrnin sendet me vlerë që ndodheshin në to.
Dy shqiptarët janë arrestuar në flagrancë nga policia italiane teksa ishin duke grabitur një shtëpi në zonën e “Baldinuçi”, sipas burimeve zyrtare diku rreth orës 4:40 të mëngjesit.
Sipas raportimeve policia është njoftuar nga banorët e zonës të cilët i kanë parë dy shqiptarët në momentin që kanë hyrë në banesë. Gjithashtu policia informon se për shqiptarët ishin bërë edhe më parë denoncime. Policia gjatë arrestimit iu gjeti shqiptarëve në çantën e shpinës bizhuteri që vlenin mijëra euro dhe sende të tjera që i kishin marrë në banesën që bastisën. Më pas ata u shoqëruan në komisariatin e policisë.
