Nga Ilir Kulla
Dritan Goxhaj është një pilot dhe ushtarak shqiptar. Në moshë fare të re i bashkëngjitet UÇK bashke me të atin, i cili bëhet zëvendës shef i Shtabit Operativ, në Shtabin e Përgjithshëm në Kleckë të Kosovës. Dritani bashke me 4 ushtarakë oficerë të tjerë nga Shqipëria lënë uniformën e ushtrisë shqiptare dhe veshin atë të UÇK. Për fat të keq në vitin 2001 shteti shqiptar e dënon për braktisje të FA. Në vitin 2000, Dritani merr pjese aktive ne UCPBM në Luginën e Preshevës. Më tej Dritani përballet me persekutime absurde në Shqipëri. Pas disa vitesh ai fillon punë në një kompani ajrore në Tiranë si shef i sigurisë së saj. Më tej Dritani punon ne Drejtorinë e Aviacionit Civil si ekspert aviacioni dhe i sigurisë se fluturimeve. Si i tillë ai ka kryer disa specializime jashtë dhe shkollën e aviacionit në Turqi dhe Shqipëri.
Si ekspert i aviacionit civil ai përballet me “pushtetet” disa herë për çështje që kishin të bënin me korrupsionin dhe problematikat e tij nëpër media kombëtare. Njëherësh ai krijon familje me një zonjë pedagoge e njohur ne Tirane dhe sot është babai i një djali 5-vjeçar, më kujtohet dita kur me tha u bëra baba, tani do bëhesh më i mirë i thashë. Dritanin, përballja publike me pushtetet e lë pa punë. Ka karakter të forte dhe nuk thyhet për gjërat që mendon që ka të drejtë.
Në vitin 2020 kur arrestohet Hashim Thaçi me të tjerët sigurisht revoltohet si shumë të tjerë për vendimet absurde të një gjykate absurde. Thelbi është i thjeshtë ai ka mbajtur qëndrime publike të njëjta si ato të Kryeministrit të Shqipërisë i cili ka bërë një rezolute në Këshillin e Evropës duke e quajtur këtë gjykate një turp dhe loje e Rusisë.
Në këtë pikë Dritani s’ka bërë as një të dhjetën e Qeverisë Shqiptare, duke demaskuar këtë histori që nisi gjoja nga një shkrim i një “rrjeti gazetarësh të pavarur i quajtur BIRN” me qendër ne Beograd, i cili pretendonte që në fshatin Gurrë të Burrelit, UÇK ka kryer trafik organesh dhe që autori apo autorët nisur nga ky shkrim kane marrë azil politik diku jashtë. Dritani si ish-luftëtar ka qëndrim parimor kur përmend disa prej dëshmitarëve kundër Sali Mustafës (Cali) te cilin e ka mik te vjetër, duke vene ne dukje fallsitetin e deklaratave te tyre të mbështetura me azil politik jashtë Kosovës në Perëndim. Tani Gjykata Speciale e Kosovës në vendimin e Gjykatës së Tiranës që unë e kam lexuar pretendon se Dritani ka penguar drejtësinë duke kundërshtuar legjitimitetin e Gjykatës dhe ka kërcënuar dëshmitarët e fshehur duke i përmendur emrat, të cilët i di ndërkohë gjysma e Kosovës. Ndërkohë që kjo maskarade ndodh në vendimin e Gjykatës citohen dy shkrime tek Kosovapress dhe një intervistë televizive.
Thelbi është i qarte kush del kundër Gjykatës Speciale të ngritur nga Rusia dhe Serbia shkon ne burg dhe për këtë mjafton një shkrim gazete. Turpi vazhdon me klasën politike në Shqipëri opozita është me pushime nuk thotë as edhe një fjalë të vetme për këtë skandal, pushteti ka frikë të mbrojë atë që e ka bërë publikisht dhe politikisht në Strasburg dhe ndërkohë një i pafajshëm ndodhet në burg dhe rrezikon të rrijë gjatë për shkak të kësaj situate absurde.
