Prej vitesh e ashtuquajtura ‘sëmundja e shekullit’ po mundon shkencëtarët në gjetjen e një zgjidhjeje.
Janë bërë përpjekje të ndryshme, por ende nuk është arritur në një përfundim.
Së fundmi, në Izrael po zhvillohen disa kërkime për të shëruar kancerin, ku sipas disa hulumtimeve në Fakultetin e Mjekësisë “Sackler” të Universiteti të Tel Avivit, është arritur edhe në disa konkluzione.
Studiuesit kanë zhvilluar një eksperiment, që e bazuan tek përdorimi i medikamenteve vetëm mbi indet e sëmura, duke përdorur grimca drite dhe ari, të cilat mund të përdoren për të bërë më të efektshme trajtimet e kancerit.
Në qendër të këtyre studimeve ka qenë kryesisht luftimin i kancerit të kokës dhe qafës apo ato që prekin gojën, hundën, fytin dhe kryesisht shkaktohen nga përdorimi i alkoolit dhe duhanit.
Hulumtuesit pastaj u përpoqën të lidhnin grimca të vogla të ari – nanogrimcat që mund të blihen komercialisht – tek një ilaç që zakonisht përdoret për të trajtuar tumoret, cetuximab.
Fillimisht, testi u krye te minjtë dhe pasi u vu re se prania e arit në tumor përmirëson efektin e rrezatimit dhe gjithashtu nuk është gjetur ndonjë efekt negativ nga përdorimi i arit në mëlçi ose veshka.
Ekipi i studiuesve tani po planifikon të përdorë rezultatet e mira të fituara me eksperimentimin njerëzor.
Në studimi mbi zbatimin e nanogrimcave të arit kundër kanceri, morën pjesë edhe kërkuesit nga Qendra Davidoff e Rabin Medical Center, nga Fakulteti i Inxhinierisë dhe Instituti i Nanoteknologjisë dhe materialeve të avancuara të Universitetit Bar Ilan në Ramat Gan.
