Gjykata e Posaçme e Apelit ka lënë në fuqi masat e sigurisë për presidentin e Partisë së Lirisë, Ilir Meta, dhe deputeten Monika Kryemadhi.
Ilir Meta do të qëndrojë në burg, ndërsa Kryemadhi do të vijojë të ketë masën “detyrim paraqitje”.
Pas këtij vendimi, avokati i Metës dhe Kryemadhit, Genc Gjokutaj, ka reaguar për mediat, duke e cilësuar vendimin si të paarsyetuara dhe të pasigurt. Ai theksoi se kërkuan revokimin e masave të sigurisë dhe paralajmëroi se do të vazhdojnë të ndjekin rastin në të gjitha shkallët e gjyqësorit shqiptar. Sipas tij, sistemi i drejtësisë është i “sorosifikuar”, dhe ai ka shprehur besimin se gjyqtarët do të fillojnë të dëgjojnë dhe të kuptojnë më mirë situatën.
Gjokutaj theksoi gjithashtu se, nëse procesi nuk sjell drejtësi, ata do të drejtohen edhe drejt gjykatës ndërkombëtare.
Ai u shpreh se, përsa kohë opozita vazhdon të ndodhet nën presion dhe në burg, “korrja e suksesëve” për ata që janë në pushtet nuk mund të jetë më e pranueshme.
