Seanca në Apelin e GJKKO për shqyrtimin e kërkesës së Ajola Xoxës mbi lirimin e llogarive bankare është shtyrë për më 13 mars.
Bashkëshortja e kryebashkiakut të Tiranës ka argumentuar se fondet e bllokuara kanë burim të ligjshëm, duke kundërshtuar pretendimet e SPAK.
Gjykata ka vendosur të marrë kohë për të shqyrtuar prova të reja të paraqitura nga SPAK. Ndërkohë, Xoxa vijon të jetë nën masën “detyrim paraqitje” në kuadër të hetimeve për dosjen “Veliaj”, ku akuzohet për përfshirje në skema abuzimi me fondet publike.
Sipas SPAK, ajo dhe Veliaj kanë ngritur një mekanizëm për përfitime të parregullta nga fondet e administruara nga Bashkia e Tiranës, me qëllim pasurimin personal përmes veprimeve të dyshuara të kundërligjshme.
