Aludimet për lidhjen me zyrtaren e qeverisë, Soreca reagon për herë të parë

Google+ Pinterest LinkedIn Tumblr +

Ambasadori i BE në Shqipëri, Luigi Soreca, ka folur për herë të parë në lidhje me aludimet për lidhje intime me një zyrtare të qeverisë.

Pak muaj më parë në media u përfol se Soreca kishte një lidhje me zv. Ministren e Brendshme, Romina Kuko.

I ftuar në emisionin “Open”, ambasadori i quajti shpifje aludimet e tij për lidhjen me zyrtaren e qeverisë.

Gjithashtu ai ka sqaruar motivin, se përse nuk kishte reaguar deri më tani.

“Nuk reagova publikisht sepse nuk doja t’i jepja rëndësi lajmeve të rreme. Këto janë të këqija, shpifje”, tha Soreca.

Ndërsa në lidhje me akuzat  për korrupsion, Soreca tha se nuk është dakord me ata që akuzojnë kolegët për diçka të tillë. Më tej ai shtoi se ambasadori flet në emër të institucionit dhe çdo gjë që ai bën monitorohet.

“Më lejoni të them një gjë e nuk do të spekuloj. Nuk jam dakord me ata që akuzojnë kolegët me korrupsion. Një ambasador është institucion dhe përgjigjet që jepen, jepen në formë institucionale. Ne flasim në emër të institucionit, jo vetëm unë por çdo ambasador tjetër. Çdo gjë që bëjmë këtu monitorohet. Dua që kjo të jetë tejet e qartë. Pra ne monitorohemi”, u shpreh Soreca.

Shpërndaje
Share.

Komento