Vajza e video-skandalit në zyrën e ish-kryebashkiakut të Kukësit, Safet Gjici ka qenë e ftuar në një intervistë në Syri TV.
Alma Kaçi në fjalën e saj tha se vendimi i dhënë për çështjen e saj dhe të Safet Gjiçit, tregoi se drejtësia është politike. Ajo theksoi ndër të tjera se qëllimi i saj ishte për të demaskuar zyrat shtetërore dhe personat që abuzonin me pushtetin, ashtu sikurse ishte dhe Gjici.
Ajo iu drejtua qytetarëve duke iu thënë që më shumë të merakosen për abuzimet që bëhën në institucionet shtetëore sesa për jetën e saj.
“Pranova ta bëjë këtë për ta demaskuar në publik dhe për t’i demonstruar njerëzve se në zyrat e kësaj qeverisjeje ndodhin këto. Unë mora përsipër shumë rreziqe sepse në ato momente kur ndodhi, nuk u mendua se do dilnin ato skena në TV, por unë kam menduar edhe rrezikun e jetës time.
Kam lexuar shume komente dhe shumë opinione nga më ekstremet, je paguar – s’je paguar . Unë e kam bërë në kuadër të punës, kam sakrifikuar veten time.
Dhe opinionit publik mos t’i vijë keq, po e them hapur fare, për gojën time, por t’i vije keq, për një pushtet që po abuzon me qytetarët. Ndjehem e përdorur dhe e hedhur në rrugë si një leckë“, u shpreh ndër të tjera Alma Kaçi.
