Policia Rrugore ka ushtruar të tjera kontrolle mbrëmjen e djeshme në rrugët e Tiranës.
Për 7 orë, nga ora 22:00-05:00, ajo ka zhvilluar kontrolle me dragera për të parandaluar drejtimin e automjeteve në gjendje të dehur.
Në përfundim, 4 drejtues mjetesh janë arrestuar për “drejtim mjeti në gjendje të dehur” dhe 11 të tjerëve iu është hequr leja e drejtimit dhe pritet të dalin në komision, pasi ishin nën ndikimin e alkoolit.
Në njoftimin e saj në faqet zyrtare online policia bën thirrje për të shmangur drejtimin e automjeteve në gjendje të dehur.
Aksidentet e shumta rrugore kanë bërë që masat ndaj shoferëve të shtohen.
Kështu, shumë shpejt pritet që, përveç dregerit të alkoolit, policia do përdorë edhe dragerin për të parë nëse drejtuesit kanë konsumuar lëndë narkotike.
Njoftimi i plotë
“Policia Rrugore kontrolle me dragera per te parandaluar drejtimin e mjeteve nen efektin e alkoolit apo me keq akoma ne gjendje te dehur.
Kontrollet me dragera prej ores 22.00 dhe do vijojne deri ne oret 05.00.
Nga 256 teste alkooli te bera deri ne ores 02.50, u konstatuan:
11 drejtues mjetesh nen ndikimin e alkoolit te cileve ju pezullua leja e drejtimit dhe do dalin ne komision, te cilet rrezikojne pezullimin e patentes nga 6 deri ne 12 muaj
4 drejtues mjetesh u arrestuan per drejtim mjeti ne gjendje te dehur qe varionte nga 0.50 mg/l deri ne 1.03 mg/l
Ndersa 241 drejtues mjetesh rezultuan nga 0.00 mg/l deri ne 0.19 mg/l, brenda limitit te lejuar
Stop drejtimit te mjetit nen efektin e alkoolit apo ne gjendje te dehur.
Alkooli mpin trurin dhe je i destinuar per te bere aksident.
Alkooli vret jeten njesoj si dhe shpejtesia.
Perdorni mjetet e transportit publik ne rast se konsumoni alkool.
#Siguriaejetesprimare
#Kontribuodhetipersigurinerrugore “
