Kryeministri i Kosovës, Albin Kurti përmes një fotoje të shpërndarë në rrjetet sociale ka njoftuar se është nisur drejt Tiranës për t’i ardhur në mbështetje kombëtares së futbollit që luan ndeshjen përballë Çekisë mbrëmjen e sotme.
Kurti shfaqet përkrah Lulzim Jasharit, i biri i Adem Jasharit, ndërsa shprehet se Evropiani e pret Shqipërinë.
“Bashkë me Lulzim Jasharin rrugës për Tiranë në përkrahje të Shqipërisë. Forca djema. Evropiani po na pret”, shkroi ai në Facebook.
Gjithashtu vlen të theksohet se shumë shqiptarë të Kosovës kanë ardhur drejt Tiranës për ndeshjen e sotme. Atmosfera festive po ndihet kudo në vend.
