Përhapja e variantit të ri “Delta” në vendin tonë ka rritur ndjeshëm numrin e të infektuarve me COVID-19, duke qenë se përhapet edhe më shpejt se variantet e mëparshme. Mjeku, Genc Sulçebe me anë të një postimi në rrjetet sociale ka bërë thirrje që të bëhet doza e tretë e vaksinës, për të gjithë personat mbi 50-vjeç që kanë kaluar 8 muaj nga vaksinimi. Ai po ashtu ka thënë se varianti i ri “Delta” është dy apo tre herë më shumë infektues. Këtë thirrje Sulçebe e ka bërë nisur nga studimet të cilat kanë treguar se varianti Delta po infekton edhe personat e vaksinuar me dy doza.
Po ashtu Sulçebe në postimin e tij ka thënë që të gjithë fëmijët mbi moshën 12-vjeç duhet të bëjnë të paktën një dozë Pfizer, duke qenë se edhe pak ditë na ndajnë nga nisja e vitit të ri shkollor. Kjo sipas mjekut rrit rrezikun e shpërndarjes se shpejte te infeksionit nga Covid-19 ne fëmijët qe do te frekuentojnë klasat. Për rrjedhoje duhet te mendohet fillimi i imunizimit te fëmijëve mbi moshën 12 vjeç me te paktën 1 doze vaksine ne ata fëmije qe nuk kane kaluar infeksionin.
Postimi i plotë i mjekut:
Perhapja e shprehur e variantit Delta te virusit SARS-CoV-2 e ka ndryshuar epidemiologjine e Covid-19. Ndersa koeficienti i riprodhueshmerise se infeksionit ne variantet e meparshme ishte rreth 3, pra nje i infektuar e transmetonte virusin ne rreth 3 te tjere, me variantin Delta ky tregues duket se lekundet nga 5 ne 9, pra ky variant eshte mjaft me ngjites.
Per rrjedhoje dhe perqindja e pragut te imunitetit te tufes nga rreth 65% qe ishte me variantet e meparshem, llogaritet te jete tani mbi 85%. Nga ana tjeter, duke qene me infeksioz, ky virus po prek me shpejtesi jo vetem personat e pavaksinuar por dhe nje pjese te atyre te vaksinuar, por qe nuk kane fituar mbrojtje te plote imunitare nga vaksina dhe qe perbejne te pakten 10% te personave te vaksinuar.
Ky fenomen po vihet re ne menyre tipike ne Izrael ku 78% e popullates mbi moshen 12 vjec eshte e vaksinuar me te dy dozat e vaksines Pfizer. Megjithate, numri i rasteve te reja eshte rritur ne 650 per 1 milion banore ne dite. Gjysma ketyre rasteve te reja jane ne persona plotesisht te vaksinuar. Kjo ka bere qe Izraeli te filloje berjen e dozes se trete perforcuese te vaksines Pfizer ne te gjitha moshat mbi 50 vjec.
Nje gjendje e ngjashme duket se po ndodh dhe ne SHBA ku rritja e rasteve te reja nga varianti Delta ka bere qe CDC (Qendra e Kontrollit te Semundjeve) e ketij vendi te rekomandoje dozen e trete perforcuese ne te gjithe individet qe kane kaluar 8 muaj nga berja e dozes se dyte te vaksines.
Kjo situate ben te nevojshme urgjencen e imunizimit te plote dhe te shpejte te gjithe personave te te gjitha moshave qe nuk e kane bere akoma vaksinen per aresye te ndryshme. Nga ana tjeter del e nevojshme qe te gjithe individet mbi moshen 50 vjec dhe qe kane mbi 8 muaj qe kane bere dozen e dyte te vaksines te bejne nje doze te trete perforcuese e cila mund te jete dhe e ndryshme nga lloji i vaksines se bere me dy dozat e para. Psh. ata qe kane bere vaksinen Astrazeneca ose Coronavac mund te bejne dozen e trete perforcuese me vaksinen Pfizer.
Nje problem i vecante paraqitet me femijet mbi 12 vjec qe do te frekuentojne se shpejti mesimin ne klase. Ngjitshmeria e variantit Delta eshte e ngjashme me virusin e variceles, pra ajo eshte te pakten 3 deri 4 here me ngjitese se virusi i gripit. Kjo rrit rrezikun e shperndarjes se shpejte te infeksionit nga Covid-19 ne femijet qe do te frekuentojne klasat. Per rrjedhoje duhet te mendohet fillimi i imunizimit te femijeve mbi moshen 12 vjec me te pakten 1 doze vaksine ne ata femije qe nuk kane kaluar infeksionin.
