Gjykata e Shkodrës ka lënë 40 ditë në burg Marash Arrajn.
Ky i fundit akuzohet se vrau me armë zjarri kushëririn e tij Lazër Arraj, shkruan ‘Faxweb’.
Masa e sigurisë u kërkua nga prokurorja e çështjes, Esmeralda Ndoci.
Gjatë këtij afati do të kryhet edhe akt ekspertimi i rrobave dhe provave të tjera shtesë.
I dyshuari ndërkohë nuk ka pranuar akuzat, duke thënë para gjykatës, se nuk ka lidhje me ngjarjen.
Mësohet se kjo çështje i është caktuar gjyqtares, Ermira Dedja.
Marash Arraj 26 vjeç, u arrestua disa ditë më parë, pasi dyshohet se ka vrarë me armë zjarri kushëririn e tij.
Shkak për vrasjen dyshohet të jetë një konflikt për arat me kanabis.
Mendohet se viktima ka njoftuar policinë, për parcelat e kanabisit në Dukagjin.
Në vendngjarje, policia ka gjetur dy gëzhoja automatiku, të cilat tregojnë se 55-vjeçari është qëlluar nga pas.
