Këtë të hënë Gjykata e Tiranës ka marrë vendimin për 4 punonjësit e Universitetit Bujqësor të Tiranës, të cilët u arrestuan pak ditë më parë për abuzime me tenderat. 4 punonjësit akuzohen nga prokuroria se kanë abuzuar me një tender me vlerë 10.5 milionë lekë. Bëhet fjalë për shtetasit Ali Rasha, Ahmet Mejdanin, Tahir Ballgjinin dhe Rushit Sunan. Lajmi u bë i ditur për BalkanËeb nga gazetarja Klodiana Lala.
Sipas prokurorisë, një nga pajisjet që është regjistruar si e blerë mbi vlerën e çmimit në treg, rezulton të jetë një blender. Kostoja normale e kësaj pajisje elektro-shtëpiake në treg do të shkonte në jo më shumë se 30.000 lek të rinj, por sipas hetimit rezulton se letrat janë “kopsitur” nga katër punonjësit e UBT-së duke e blerë për 276.000 mijë lekë të rinj.
Ndërkohë, një tjetër pajisje e blerë mbi vlerën reale të tregut është një frigorifer me ngrirje i markës “Beko”, që kushton rreth 30.000 mijë lekë të rinj, por në Univerisitetin Bujqësor është blerë me shifrën rekord të 108.800 lekë të reja.
Gjithashtu në listën e shërbimeve ekstra mbi limitet, u pa se punonjësit e UBT kanë tejkaluar çdo lloj limiti dhe norme në blerjet që kanë realizuar, duke dyfishuar pothuajse vlerën e çdo pajisje.
