Gjykata e Lezhës ka shpallur fajtor një mjek me iniciale K.M., i cili akuzohet për neglizhencë në trajtimin mjekësor.
Bëhet fjalë për ngjarjen e vitit 2017, ku si pasojë e neglizhencës ndërroi jetë një 3-vjeçar.
Mjeku u dënua me një vit heqje lirie, por dënimi është konvertuar në dy vite shërbim prove, shkruan “Reporter.al”.
Gjithashtu atij i është hequr e drejta të ushtrojë funksione publike për një periudhe 2-vjeçare.
Mjeku tjetër që ishte i pandehur për të njëjtën akuzë, u shpall i pafajshëm.
Mjekët u kallëzuan nga familjarët e një fëmije 3 vjeç, i cili humbi jetën prej një viroze, me pretendimin se nuk i kanë dhënë ndihmën e duhur mjekësore.
I mituri mori mjekim në spitalin e Lezhës dhe më pas u dërgua në shtëpi.
Një ditë pasi u përcoll në shtëpi, ai u paraqit sërish në spitalin e Lezhës dhe më pas u dërgua drejt Tiranës, ku ndërroi jetë një ditë më vonë.
