Kandidati për zgjedhjet e 14 majit në Kuçovë, Lefter Maliqi duket se ka nisur një betejë të fortë ligjore me Partinë Socialiste dhe përfaqësuesit e saj në Kuçovë, ku i akuzon se kanë manipuluar procesin zgjedhor.
Zoti Maliqi ka kallëzuar në SPAK kundërshtarin e tij politik në zgjedhjet vendore,Kreshnik Hajdari, i cili mban postin e kryetarit të bashkisë.
Maliqi ka treguar se gjithashtu ka kallëzuar në SPAK edhe kryesocialistin Bledi Çuçi që sot drejton Grupin Parlamentar të PS, pasi e akuzon se ka ndëryrë në procesin zgjedhor dhe se ka favorizuar Salillarin për një ndërtim pa leje në Kuçovë.
Por, nuk mbaron këtu beteja e Maliqit! Ai është i gatshëm të çojë në SPAK edhe kryekomisionerin e KQZ-së, Ilirjan Celibashin, i cili i dha mandatin për të dytën herë, duke mos e quajtur shkelje faktin që ai gënjeu tek formulari i Dekriminalizimit. Hajdari ishte i dënuar më parë në shteti grek dhe e ka mbajtur të fshehtë në formual, i cili është i nevojshëm për çdo kandidat që merr pjesë në zgjedhje.
