Një skandal i përmasave të fikshme u publikua nga raporti I KLSH, I cili zbuloi se gjatë periudhës mars-maj të vitit 2021, në tregun shqiptar janë shitur 13.2 ton akullore që përmbajnë oksid etileni, një substancë që shkakton kancer dhe leucemi. Produktet janë shpërndarë kryesisht në qytetet e Tiranës, Durrësit, Fierit, Elbasanit, Vlorës, Beratit, Lushnjes, Korçës, Shkodrës, Sarandës, Krujës, Burrelit, Peshkopisë, Tropojës dhe Lezhës. Ndërkohë disa media dolën në krah të AKU me lajme që ato akullore janë asgjësuar, duke u munduar të fshehin të vërtetën e këtij mega skandali.
Krahas akulloreve një tjetër skandal është publikuar sot nga anëtari i kryesisë së PD-së, Grigels Muçollari, i cili me anë të dokumenteve ka akuzuar AKU-në se nuk ka bllokuar ngarkesa të rrezikshme për shëndetin e qytetarëve.
Muçollari denoncoi se, AKU nuk ka bllokuar jnë ngarkesë me lëpirëse të rrezikshme me copëza metali.
Por këto nuk janë të vetmet raste skandali ku del hapur emri i AKU. Ushqime bazë, si mishi apo bulmeti që prej kohësh nuk duhet të tregtoheshin në vendin tonë kanë qarkulluar lirshëm nëpër biznese. AKU pa më të voglin përgjegjësi po luan hapur me jetën e qytetarëve.
AKU i ‘dhuron’ fabrikave të sallamit mishin që duhej groposur
KLSH ka konstatuar shkelje të rënda nga inspektorët e AKU gjatë kontrolleve në dyqane mishi dhe tregje. Inspektorët kanë konfiskuar mish që tregtohej jashtë kushteve të higjienës, i pavulosur dhe i pacertifikuar, një veprim që konsiderohet i drejtë dhe i nevojshëm.
Megjithatë, skandali që pason është tronditës: inspektorët e AKU-së kanë dërguar mallin e sekuestruar në dy fabrika përpunimi mishi, konkretisht në fabrikën Kazazi dhe Balcon Zoo Farm. Sipas KLSH, ky mish duhej të ishte destinuar për groposje dhe në asnjë mënyrë nuk mund të dërgohej në kompani private, të cilat janë gjithashtu subjekt inspektimi nga AKU.
Skandali thellohet edhe më tej pasi nuk është administruar asnjë fletë-hyrje në fabrikë për mishin e bllokuar dhe nuk ekziston asnjë dokument që të faktojë se është bërë asgjësimi i mishit të destinuar për groposje. KLSH ka ngritur alarmin, duke shprehur shqetësimin se pas dorëzimit të mishit te subjekti Kazazi, ekziston mundësia që ky mish të përpunohet dhe të rifutet përsëri në treg.
Yndyra vegjetalee ‘Kosmonte Foods’ iu shit për gjalp qytetarëve
Sipas një kontatimi të KLSH, ‘Kosmonte Foods’ mashtron konsumatorët duke shitur yndyrën vegjetale për gjalp. (Lexo lajmin e plotë)
Sipas KLSH-së, mashtrimi me 45 tonë yndyrë vegjetale fillon në Pikën e Inspektimit Kufitar në Qafë Thanë për të përfunduar më pas te kompania që e tregton produktin.
Certifikata e lëshuar në Ukrainë nuk është e përkthyer në gjuhën shqip, dhe për të gjitha këto shkelje, sipas KLSH-së, sasia 45 tonë yndyrë vegjetale nuk duhej të futej në Shqipëri.
Por kompania “Kosmonte Foods”, me administrator Z. Lulzim Begajn, jo vetëm që e futi produktin në Shqipëri, por ia shitën konsumatorit për gjalp.
Sipas KLSH-së, yndyra vegjetale duhej të hiqej nga tregu menjëherë dhe të asgjësohej, ndërkohë inspektorët e AKU-t pa e analizuar cilësinë e produktit në laborator, i kanë dhënë mundësinë kompanisë për ta ri-etiketuar dhe për ta shitur përsëri.
Vaj jashtë standardit i futur sërish në treg
Në raportin e KLSH në vitin 2021: 4,242 litra vaj të cilat janë shitur, ndërkohë që analiza laboratorike e këtij produkti, e kryer më pas, ka dalë jashtë standardit. Ky vaj nuk u terhoq nga tregu. Pra, produkti u konsumua nga qytetarët e Tiranës, edhe pse ishte jashtë standardit
.
