Ditën e sotme në zyrat e Kadastrës në Tiranë Policia e Shtetit ka nisur një aksion, ku disa zyrtarë kanë përfunduar në pranga. Teksa detaje të reja bëhen me dije, janë mësuar gjithashtu emrat e tre personave që janë arrestuar dhe një tjetër që është pezulluar dhe vijojnë si më poshtë:
Panol Nikolla është pezulluar nga detyra si punonjës i hipotekës
Admir Buri arrest me burg për “Ushtim ndikimi”
Neritan Balbusha arrest me burg për “Ushtim ndikimi”
Gazmend Dije arrest me burg për “Ushtrim ndikimi”
Aksioni po zhvillohet nga drejtoria e Krimit Ekonomik në Policinë e Shtetit dhe nësohet se janë lëshuar në total 5 urdhër arreste nga Prokuroria e Posaçme për Korrupsionin dhe Kirmin e Organizuar. Aksioni është ndërmarrë pasi ka dyshime për falsifikim dokumentesh dhe tjetërsim pronash. Ndërkohë, mësohet se hetimi për disa zyrtarë ka nisur prej muajsh.
Aksioni është në vijim të disa aksioneve që SPAK ka marrë më herët në disa prej istitucioneve në vend. Disa javë më parë me urdhër të SPAK ra në pranga kryetari i Bashkisë së Lushnjës, Fatos Tushe dhe 10 zyrtarë të tjerë me akuzën për korrupsion. Arrestime u kryen edhe në Ministrinë e Brendshme lidhur me abuzimet në tenderin 25 milionë euro të uniformave të policisë.
