Drejtoria e OSHEE në Krujë është duke zhvilluar një aksion të madh kundër vjedhjeve dhe abuzimeve në rrejtin e energjisë elektrike. Mësohet se janë suhtruar kontrolle në bashkëpunim me Policinë e Shtetit në 250 subjekte private dhe 5 shtetas janë proceduar penalisht.
Gjatë kontrolleve të ushtruara është zbuluar edhe një makineri e prodhimit të kriptomonedhave (bitcoin), e cila është gjetur në një biznes privat. Duke qenë se një laborator i tillë kërkon një sasi të madhe energjie, kështu personat që e kishin krijuar vidhnin energji elektrike.
Makineria e kriptomonedhave është zbuluar në në hyrje të qytetit të Krujës. Lidhur me këtë rast është proceduar penalisht pronari i objektit, shtetasi F.M., pasi me sa duket laboratory i bitcoin nuk figuron në emër të askujt. Kujtojmë se Shqipëria nuk ka ende një ligj për prodhimin e monedhave virtuale, e prandaj ky aktivitet është illegal.
Ndër të tjera mësohet se OSHEE i ka denoncuar penalisht në Policinë e Shtetit të gjitha rastet dhe në qytetin e Krujës janë proceduar penalisht 2 persona ndërsa në Fushë-Krujë 3. Gjithashtu bëhet me dije se aksioni sapo ka nisur dhe pritet të vijojë për një kohë që nuk është e përcaktuar.
Kujtojmë se prej disa kohësh policia dhe OSHEE kanë ndërmarrë disa aksione për të identifikuar lidhjet e jashtëligjshme dhe vjedhjet e energjisë elektrike.
