Aksidentoi 6 pasagjerët e tij në aksin Korçë-Pogradec, arrestohet drejtuesi i mjetit

Google+ Pinterest LinkedIn Tumblr +

Policia Rrugore ka bërë të mundur ditën e sotme arrestimin e 34-vjeçarit Spartak Çela.

Ky i fundit është drejtuesi i mjetit i cili ditën e djeshme u aksidentua në aksin rrugor Korçë-Pogradec, pranë fshatit Vërdovë duke drejtuar mjetin tip “Land Rover”.

Gjatë drejtimit të mjetit ai dyshohet se ka humbur kontrollin dhe ka dalë nga rruga.

Si pasojë e daljes nga rruga edhe vetë shoferi është aksidentuar, por edhe 6 pasagjerët e tij. Ata janë shtetasit: L.D, 39 vjeç, E.M, 45 vjeç, D.A, 23 vjeç, A.H, 26 vjeç, E.G, 40 vjeç dhe A.G, 49 vjeç, banues në Pogradec, nga të cilët dy shtetasit E.G dhe A.G, u dërguan në Tiranë në gjendje të rëndë. Ndërsa të dëmtuarit e tjerë ndodhen jashtë rrezikut për jetën.

Materialet i kaluan Prokurorisë të Rrethit Gjyqësor Pogradec për veprën penale “Shkelja e rregullave të qarkullimit rrugor”.

Shpërndaje
Share.

Komento