Një punonjës në fabrikën e riciklimit të aluminit në ish-Metalurgjikun e Elbasanit ka humbur jetën mëngjesin e sotëm.
Mësohet se shtetasi indian Onkar Parjapat është dëmtuar në trup aksidentalisht nga një pajisje pune, dhe për pasojë ka humbur jetën.
NJOFTIMI I POLICISË
Mëngjesin e sotëm, në ish-kombinatin metalurgjik, gjatë procesit të punës në fabrikën e riciklimit të aluminit, dyshohet se aksidentalisht është dëmtuar në trup, nga një pajisje pune, shtetasi indian O. P., 45 vjeç, i cili për pasojë ka humbur jetën.
Grupi hetimor vijon punën për zbardhjen e plotë të rrethanave të ngjarjes.
