Një tjetë humbje jete është shënuar nga aksidenti i sotëm në Rrogozhinë. Bëhet fjalë për drejtuesin e makinës “Benz”, Bajram Koni, i cili ka humbur betejën në spitalin e Durrësit. Gjithësej numri i viktimave ka arritur në 3 persona.
Viktimat janë Tonin Mhilli, 58 vjeç, oficer i burgut të Peqinit, (në foto) i cili ndodhej në mjetin tip “Audi” dhe gjeti vdekjen në vendin e ngjarjes, si dhe Merushe Koni dhe Bajram Koni, që humbën jetën në spital për shkak të plagëve të marra.
Fillimisht u raportua se aksidenti i shumëfishtë në Rrogozhinë u mori jetën dy personave ndërkohë që la në gjendje të rëndë dy të tjerë.
Oficeri i burgjeve që goditi çiftin ndërroi jetë gjatë transportit për në spital, ndërkohë që po ashtu gruaja e cila ishte në makinën që u godit prej tij dhe një mjeti tjetër më pas ka ndërruar jetë.
Siç duket dhe nga pamjet makinat pësuan dëmtime të mëdha, çka tregon për përplasjen e fortë të dy mjeteve.
