Një aksidenti i rëndë i ndodhur në itali ku një fugon ka dalë nga rruga, ka përfshirë edhe një shtetas shqiptar.
Sipas të dhënave të para ngjarja ka ndodhur në Maresco të Italisë, ku 23-vjeçari shqiptar ka qenë drejtuesi i mjetit, mirëpo në një moment ka humbur drejtimin duke bërë që automjeti të dalë nga rruga dhe të përfundojë në kanalin vaditës.
Bashkë me shqiptarin ka qenë duke udhëtuar edhe një 28-vjeçare italiane, gjendja e së cilës deri më tani paraqitet e qëndrueshme, ndryshe nga ajo e të riut shqiptar.
23-vjeçari i identifikuar si J.N, ndodhet në gjëndje të rënduar për shkak të dëmtimeve që ka marrë në gjymtyrët e poshtëm, megjithatë nuk dihet se si do vazhdojë të jetë gjendja e tij ose nëse ka marrë dëmtime të pariparueshme.
Ende nuk dihet se cili ka qenë shkaku që ka çuar drejt aksidentit, megjithatë policia italiane tashmë ndodhet në vendin e ngjarjes dhe është duke hetuar rreth ngjarjes.
