Një aksident tragjik ka ndodhur mbrëmjen e djeshme në Itali. Raportohet se nga ky aksident ka gjetur vdekjen një djalë 17-vjeçar shqiptar. I riu ndërroi jetë gjatë natës në spital pasi përplasi motoçikletën e tij në një mur.
Shoku 15-vjeçar që ishte në motor me të ka mbetur i padëmtuar. Aksidenti ka ndodhur në Bienno, në Vallecamonica, në provincën e Brescias . Sipas hetimeve të deritanishme 17-vjeçari duke drejtuar motoçikletën humbi papritur kontrollin e mjetit. Ai ishte në Via Indipendenza kur, rreth orës 23:00, u përplas me një mur që shkon përgjatë rrugës.
Kjo është viktima e katërt në një javë në rrugët e Breshias. Të shtunën e kaluar, 18-vjeçarja Matilda Agnesi humbi jetën pasi doli nga rruga me motorin që kishte marrë si dhuratë për ditëlindje.
