Katër të rinj të moshës, dy djem dhe dy vajza, të oshave 20-25 vjeç, mes tyre dhe një shqiptar, kanë humbur jetën tragjikisht mëngjesin e kësaj të diele, kur makina me të cilën po udhëtonin u përplas kokë më kokë me një autobus që transportonte punëtorë të një biznesi lokal në zonë. Mjeti lëvizte nga Ksanthi në drejtim të Kavallës, në rrugën provinciale Ksant-Toxotes.
I mbijetuari i vetëm i aksidentit është njëri nga pasagjerët, i cili është plagosur rëndë dhe po trajtohet në spital. Në autobus ndodheshin disa punonjës të një biznesi lokal, i cili gjithashtu doli nga rruga dhe ka të paktën gjashtë persona u plagosën.
Mjeti u tërhoq zvarrë për më shumë se 150 metra dhe një fund përfundoi i ndarë përgjysmë anësh rrugës. Menjëherë në vendngjarje kanë mbërritur forcat zjarrfikëse për të nxjerrë katër trupat nga mjeti ndërsa të gjithë të plagosurit janë dërguar në spitalin e Ksantisë.
