Dy automjete janë përplasur me njëra tjetrën në kthesën e Viroit në Gjirokastër. Policia bën me dije se si pasojë e aksidentit janë dëmtuar 2 drejtuesit e mjeteve, por fatmirësisht ndodhen nën kuijdesin e mjekëve, pa rrezik për jetën. Shkak dyshohet të jetë bërë lagështia dhe mjegulla e dendur në këtë aks.
NJOFTIMI I POLICISË:
Gjirokastër/Informacion paraprak
Rreth orës 14:10, në aksin rrugor “Gjirokastër-Tepelenë”, në vendin e quajtur “Kthesa e Viroit”, automjeti me drejtuese shtetasen L. S., 37 vjeçe, është përplasur me automjetin me drejtues shtetasin A. B., 23 vjeç.
Nga përplasja janë dëmtuar 2 drejtuesit e automjeteve, të cilët janë dërguar në spital, ku po marrin asistencë mjekësore dhe janë jashtë rrezikut për jetën.
Grupi hetimor po punon për sqarimin e rrethanave të aksidentit.
