Një aksident i rëndë ka nodhur në Kamëz ditën e sotme, ku si pasojë kanë mbetur të plagosur tre fëmijë të mitur. Ngjarja ka nodhru rreth orës 14:35 dhe në aksident janë përfshirë dy automjete. Një prej tyre me drejtues shtetasin me iniciale Xh.Xh., ndërsa automjeti tjetër me drejtues shtetasin me iniciale K.B. Si pasojë e përplasjes mjeti me drejtues K.B. ka dalë nga rruga duke dëmtuar tre fëmijë të mitur. Ata janë dërguar në spital për të marrë ndihmën e shpejtë mjekësore.
Njoftimi i plotë i Policisë së Shtetit.
Tiranë/ Informacion Paraprak
Më datë 05.04.2021, rreth orës 14:35, në Kamëz, janë përfshirë në aksident mjeti me drejtues Xh. Xh., me mjetin me drejtues K. B. Si pasojë e aksidentit mjeti me drejtues K. B., ka dalë nga rruga duke dëmtuar 3 fëmijë të mitur, të cilët u dërguan në spital për të marrë ndihmë mjekësore.
Kujtojmë se një tjetër aksident i rëndë ndodhi po ditën e sotme në Tiranë, ku pranë Universitetit të Sporteve një autmojet përplasi një vajzë të re, ndërsa kalimtarët e rastit i vrapuan për t’i dhënë asaj ndihmën e parë. Nuk ka ende një njoftim nga policia për ngjarjen në fjalë.
