Një aksident i rëndë është regjistruar në Kamëz, ku një grua 64-vjeçare ka ndërruar jetë në spital, pasi u përplas nga një automjet teksa po ecte.
Lidhur me këtë ngjarje është arrestuar drejtuesi i automjetit, një 30-vjeçar me inicialet A.H.
Si pasojë e aksidentit, ka mbetur e lënduar edhe një 58-vjeçare, e cila po merr trajtim mjekësor.
Policia po heton rrethanat e ngjarjes.
Njoftimi:
Specialistët e Komisariatit të Policisë Rrugore Tiranë arrestuan shtetasin A. H., 30 vjeç, banues në Tiranë, pasi në orën 17:30, në bulevardin “Nënë Tereza”, Kamëz, duke drejtuar mjetin tip “Benz” ka aksidentuar këmbësoret shtetaset Z. K., 64 vjeçe, dhe Sh. K., 58 vjeçe, banuese në Kukës dhe Bathore.
Si pasojë e dëmtimeve të marra nga aksidenti shtetasja Z. K., ka ndërruar jetë në spital, ndërsa shtetasja Sh. K., pas mjekimit në spital është larguar në banesë. Materialet i kaluan Prokurorisë.
