Një aksident ka ndodhur mëngjesin e sotëm në aksin Fier-Levan. Ngjarja ka ndodhur rreth orës 07:55 në vendin e quajtur quajtur “Qafa e Koshovicës”. Drejtuesi i mjetit tip “Land Rover” ka humbur kontrollin duke dalë nga rruga dhe si pasojë kanë pësuar dëmtime të lehta pasagjerët në mjet, shtetasit L. Ll., 27 vjeç dhe M. Gj., 29 vjeç. Ata ndodhen në Spitalin Rajonal Fier nën kujdesin e mjekëve.
Grupi hetimor është duke vijuar punën për zbardhjen e plotë të rrethanave të aksidentit.
Njoftimi i policisë:
Sot rreth orës 07:55, në aksin rrugor Fier-Levan, në vëndin e quajtur “Qafa e Koshovicës” ka dalë nga rruga mjeti tip “Land Rover”, me drejtues shtetasin G. A dhe për pasojë kanë pësuar dëmtime të lehta pasagjerët në mjet, shtetasit L. Ll., 27 vjeç dhe M. Gj., 29 vjeç, të cilët ndodhen në Spitalin Rajonal Fier nën kujdesin e mjekëve.
Grupi hetimor po punon për zbardhjen e shkaqeve të daljes nga rruga.
Kujtojmë që një tjetër aksident ndodhi mëngjesin e sotëm në aksin Burrel-Milot, ku mbetën të plagosur 6 persona. Drejtuesi i mjetit po ashtu humbi kontrolli dhe doli nga rruga. Personat e plagosur u nisën drejt Tiranë për mjekim më të specializuar. Aksidenti dyshohet se ndodhi si pasojë e lagështirës së krijuar në rrugë nga reshjet e shiut.
