Një aksident rrugor u regjistrua këtë të premte në aksin rrugor Elbasan-Peqin. Dy makina janë përplasur me njëra-tjetrën e për pasojë janë plagosur 4 persona dhe njëri prej tyre ndodhet në gjendje të rëndë.
Ngjarja ndodhi rreth orë 14:50 në afërsi të qendrës së fshatit Papër. Burime nga vendngjarja raportuan se në aksident u përfshinë dy automjete.
Një prej të plagosurve, një grua, kishte mbetur e bllokuar në automjet, ndërsa është dashur ndërhyrja e zjarrfikëses që të bënte të mundur nxjerrjen e saj. Të plagosurit janë transportuar në Spitalin e Elbasanit, ndërsa mësohet se janë në gjendje të rëndë. Në vendngjarje ka mbërritur policia dhe autoambulanca, ndërsa ende nuk janë të qarta rrethanat e aksidentit.
Ajo është mjekja laborante Valbona Tole, që është dërguar menjëherë në spital, ku është nën kujdesin e mjekëve.
Në një prej mjeteve udhëtonin 5 persona mes të cilëve edhe një çifti i mjekëve nga Tiranë, ndërsa në makinën tjetër vetëm shoferi. Në drejtimin e Benzit ka qenë mjekja, ndërsa i plagosur ka mbetur edhe bashkëshorti i saj, mjek okulist.
Aksidenti ka ndodhur në njësinë administrative Papër, te kthesa ku në 2019 humbën jetën 4 persona në një tjetër aksident.
Pandemia i uli disi lëvzijet dhe për pasojë ka pasur më pak aksidente rrugore. Në muajin Dhjetor 2020 numërohen 113 aksidente rrugore. Krahasuar me 135 aksidente të ndodhura në muajin Dhjetor 2019, ka pasur një ulje me 16,3 %, krahasuar me të njëjtën periudhë të një viti më parë. Në vitin 2020, numërohen 1.234 aksidente rrugore nga 1.498 aksidente të ndodhura në vitin 2019, duke u ulur me 17,6 %, krahasuar me të njëjtën periudhë të një viti më parë. Por janari ka nisur me një numër të shtuar aksidentesh. /Gazetareforma.com/
