Aksident i trefishtë në Elbasan, disa të plagosur

Një aksident i rëndë rrugor është regjistruar këtë pasdite në qytetin e Elbasanit, në rrugën që lidh Universitetin “Aleksandër Xhuvani” me përroin e Zaranikës, në lagjen “Haxhias”.

Ngjarja ka përfshirë tre automjete dhe ka shkaktuar disa të plagosur, ndërsa një prej tyre raportohet të jetë në gjendje kritike.

Ekipet e emergjencës ndodhen në vendngjarje dhe po u ofrojnë ndihmën e parë të lënduarve.

Njoftimi i Policisë:

Rreth orës 17:20, në lagjen “Dyli Haxhire”, vendi i quajtur “Ura e zaranikës”, janë përfshirë në aksident rrugor 3 automjete, me drejtues përkatësisht shtetasit D. Z., I. A. dhe E. L..
Si pasojë janë dëmtuar të tre drejtuesit e automjeteve dhe dy pasagjerë në automjetin me drejtues shtetasin I. A., të cilët janë transportuar për ndihmë mjekësore, në spital.

Grupi hetimor po punon për përcaktimin e rrethanave dhe shkaqeve të aksidentit.