Mbikalimi i Kamzës shpeshherë është kthyer në lajm si burim aksidenti, mirëpo sot është shënuar një përplasje e rëndë.
Janë katër makina të përfshira në aksident, ku nga pamjet dallohet qartë që një kamion është përmbysur, një makinë është ndarë më dysh dhe dy makina të tjera kanë pësuar dëmtime.
Nga ajo që raportohet, njëri prej automjeteve është futur poshtë kamionit dhe kjo ka bërë një makina të ndahet më dysh, ndërsa drejtuesi i mjetit fatmirësisht ka mundur të dalë në kohë nga mjeti.
Deri më tani nuk ka të dhëna për të aksidentuar rëndë, megjithatë pritet të mbërrijë policia nga momenti në moment dhe të bëhen verifikimet e para të gjithë situatës.
