Një aksident ka ndodhur mesditën e sotme në Gjirokastër. Dy makina janë përplasur me njëra-tjetrën, ku si pasojë janë aksidentuar 5 persona.
Mësohet se të lënduarit janë dërguar me urgjencë drejt spitalit të Gjirokastrës, ku ende nuk dihet gjendja e tyre shëndetësore.
Ngjarja ka ndodhur pranë varrezave publike në aksin Gjirokastër-Kakavijë, në të dalë të qytetit, midis Kordhocës dhe Gjirokastrës.
Policia ka shkuar në vendngjarje për të zbuluar rrethanat dhe shkaqet. Dyshimet e para janë se shkak i aksidentit të jetë bërë shpejtësia e lartë.
