Zyrtarisht sot Anila Denaj ka marrë postin e Ministres së Financave dhe Ekonomisë. Pas dekretimit të shkarkimit ditën e djeshme nga Kuvendit, Arben Ahmetaj është dukur mjaft i qetë ku i ka dorëzuar punën dhe i ka ofruar mbështetjen e tij pa kushte ministres së re.
Mesa duket Ahmetaj ka qenë i përgatitur mirë për këtë prezantim ku edhe ka thënë se është 10- fish më mbështetës se çka parë kjo qeveri.
Në fjalën e tij Ahmetaj e ka nisur fjalën e tij kështu:
“Përshëndetje e kemi komunikuar që do bënim një ceremoni të vogël për kalimin e detyrën nga unë dhe nga ministrja Denaj. Unë kam punuar edhe si ministër i Financës dhe Ekonomisë po për këtë mazhorancë. Unë do jem 10-fish më mbështetës se ç’ka parë kjo qeveri. Kam vlerësim për secilin prej jush. Ka qenë kënaqësi dhe nder që kam punuar me secilin prej jush. I uroj Anilës një kohë sa më të bukur profesionalisht dhe sa më intensive politikisht dhe shumë suksese”, ka përfunduar ai.
Ndërsa ministrja e re ka thënë se është e nderuar që po i jepet mundësia të drejtojë një digaster të tillë.
“ Në këtë sfidë të jashtëzakonshëm kam një dikaster të jashtëzakonshëm po ashtu. Kjo situatë e bën ketë barrë edhe më të lehtë për ta marrë përsipër. Sfidat e institucionit janë të njohura. Kushdo që e drejton këtë institucion mund të thotë më shumë jo sesa po. Do përpiqem më shumë të thelloj më tej luftën kundër informalitetit. Jam me fat që kam pas meje 4 zv.ministra shumë të ditur. Dua të falënderoj zotin Ahmetaj për këtë ekip të ndërtuar, jo pa formalizëm, për mbështetjen që më keni dhënë në këtë kalim stafete”, është shprehur Anila Denaj, Ministrja e re e Financave dhe Ekonomisë.
