Aeroporti rrethohet nga ushtria/ Meta- Shefit të Shtabit: Jepni informacion si keni vepruar

Google+ Pinterest LinkedIn Tumblr +

Një tjetër reagim i rëndësishëm ka ardhur ditën e sotme dhe këtë herë nga presidenti, Ilir Meta.

Meta ka kërkuar informacion të detajuar nga Shefi i Shtabit të Përgjithshëm të Forcave të Armatosura për vendimin e vendosjes së Policisë Ushtarake dhe Batalionit Special të Forcave të Armatosura në aeroportin kombëtar.

Ka qenë zv.presidenti, Tedi Blushi ai që ka bërë njoftimin, ku bën me dije se presidenti Meta është duke kërkuar informacion nga Gjeneral Brigade Bardhyl Kollçakut.

Sipas Blushit kërkohet baza ligjore mbi të cilën është vepruar për të vendosur efektivët e Policisë Ushtarake dhe Batalionit Special të Forcave tona të Armatosura në perimetrin e sigurisë së aeroportit “Nënë Tereza”.

 “Pasi të ketë një informacion më të plotë mund të bëjë një reagim publik”, thuhet në njoftim.

Shpërndaje
Share.

Komento