Administrata e presidentit amerikan Donald Trump ka vendosur të pezullojë të gjithë punonjësit me kontratë të Agjencisë së Shteteve të Bashkuara për Zhvillim Ndërkombëtar (USAID) në mbarë botën dhe të tërheqë mijëra nga ata që punojnë jashtë Shteteve të Bashkuara.
Në një njoftim të shpërndarë nga agjencia, thuhet se të gjithë punonjësit me kontratë të USAID-it do të pezullohen, ndërkohë që faqja zyrtare e internetit e agjencisë ka qenë jashtë funksionit që nga fundjava.
“Të premten, më 7 shkurt, të gjithë punonjësit me kontratë të USAID-it do të pezullohen në të gjithë botën”, thuhet në njoftimin
USAID ka më shumë se 10,000 punonjës, dhe një pjesë e madhe e tyre, rreth dy të tretat, shërbejnë jashtë SHBA-ve.
