Deputetja socialiste Vasilika Hysi ka shpjeguar sot arsyet e largimit nga PS.
Nga seanca parlamentare, Hysi tha se arsyeja kryesore ishte vënia në disposicion e hapësirës për të rinjtë.
E pyetur nga deputeti Kujtim Guzi, Hysi tha se nuk ka pasur aspak presion, pasi vendimi i largimit u mor nga vetë ajo.
“Faleminderit z.Gjuzi por do të lutesha të tërhiqnit fjalën mbrapsht çdo deputet dhe deputete, njerëz që kanë pjekuri politike dhe profesionale, vendosin vetë se kur duhet të hyjnë dhe të dalin nga politika. Nuk kam asnjë trysni, është zgjedhja ime dhe e familjes sime. Është zgjedhje personale. Sot ju burrat duhet të tregoni sa i keni respektuar gratë dhe vajzat”, tha Vasilika Hysi.
Kujtojmë se largimi i socialistet u njoftua disa ditë më parë , gjatë një aktiviteti elektroal. Por veç Hysit, është vijuar me një numër të madh largimesh.
Gjithashtu një emër i njohur ishte dhe eksperti i ekonomisë dhe financave, Arben Malaj. Përmes një letre të bërë publike, ai sqaron se pse nuk do të garojë në këto zgjedhje, ndërsa shton se të japësh kontribut për vendin nuk do të thotë që me patjetër duhet të jesh ministër apo deputet.
Më herët janë larguar deputeti Besnik Bare dhe prefekti i Tiranës, Sadi Vorpsi.
