Ministri i Drejtësisë Sandër Lleshaj ka qenë mbrëmjen e sotme i ftuar në ‘Open’ përballë gazetarëve ku është pyetur rreth temave të ndryshme, por në fokus ka qenë ‘Anti-KÇK’.
Ai ndau disa detaje të reja dhe u përfshi në debate pasi paneli kishte rezerva sa i përket paketës së ‘Anti-Kap çfarë të kapësh’.
Ja cilat janë disa nga çështjet rreth së cilave foli Lleshaj.
- Në media ka qarkulluar lajmi se Polica e Shtetit ka gati listën me 250 subjekte kur do ndërhyhet, por Lleshaj nuk e konfirmoi diçka të tillë, pasi sipas tij ky është vetëm fillimi. Ai shtoi se në këtë histori nuk ka rëndësi numri, por efektiviteti.
- Po ashtu, Ministri i Brendshëm, sqaroi për herë të parë se paketa “Anti KÇK” është një proces administrativ, që po zbatohet nga “Operacioni Forca e Ligjit” dhe synon të sqarojë pasurinë e personave të dyshuar.
- Kush i harton listat e subjekteve që goditen nga OFL?
Sandër Lleshaj: “E bën operacioni forca e ligjit, është neni i pestë i ligjit ka përcaktuar se kush është subjekt. Lista është e bërë vetvetiu, nuk ka një listë dokument. Neni 5 tregon kush është dënuar dhe ndjekur. Lista është e bërë automatikisht. Se ku trokasin ata para është çështje e tyre. emergjencën e rastit dhe rrezikshmërinë.
- Gazetarja Anila Hoxha e kundërshtoi disa herë ministrin, por ndër të tjera e pyeti edhe për arsyen pse nuk arrestohet pronari i kompleksi ‘Golden’, Altin Hajri, por i sekuestrohet pasuria, ndërsa Lleshaj ka thënë se kjo bëhet pasi po të ndërpresësh financimet krimin nuk ka mundësi të veprojë.
- Ndonëse, në vendin tonë raportohet për vrasje çdo ditë e më shumë, ministri i Drejtësisë nuk është i këtij mendimi. Lleshaj ka kundërshtuar se kriminaliteti në Shqipëri të jetë në nivele alarmante dhe për më tepër ka tre herë më pak vrasje se në SHBA.
“Në Shqipëri vriten tre herë më pak njerëz se në Amerikë, më pak se në Lituani. Janë botimet e OKB periodik. Nuk jemi në atë nivel kriminaliteti. nuk jemi në situatë të tmerrshme të kriminalitetit në Shqipëri. Shtimi i turizmit është provë se perceptimi i Evropianëve është pozitivë për ne.” tha Lleshaj.
- Në vijim të kësaj logjike, Lleshaj u ka dalë në mbrojtje edhe ‘vartësve të tij’, policisë.
Ai tha se ajo ka disa probleme, por policia funksionon dhe rendi publik në vend është falë punës së mirë të saj.
“Shqiptarët janë mëkatar spektakolar nga natyra. Janë me dhjetëra të arrestuar. Brenda policisë ka plot problem. Por nuk e akuzojmë dot të gjithë në bllok. Kemi polici që funksionon nuk është e dështuar. Rendin publik e kryhen”.
- Një pyetje ngacmuese ia bëri edhe drejtuesja e emisionit Eni Vasili, e cila e pyeti Lleshajn nëse Tahiri, Kajmaku, Roshi preken nga OFL .
Por, ai nuk dha një përgjigje të drejtpërdrejtë: “Nëse një person ka qenë i proceduar deri në ditën që ka hyrë ky ligj është në listë. Nuk u kam bërë analizën këtyre nëse janë të dënuar apo të proceduar për trafik janë në këtë listë.”
Tahiri është proceduar për trafik ndërkombëtar droge, por gjithsesi akoma nuk dihet nëse është i prekur apo jo.
